DEKLARASYON MONDYAL SOU KONFIDANSYALITE WESTERN UNION

Nan Western Union, nou angaje nou pou rann sèvis finansye yo aksesib pou moun tout kote. Angajman sa a anvè kliyan nou yo gen ladan l fè sa ki byen ak enfòmasyon pèsonèl yo.

Objektif Deklarasyon sou Konfidansyalite Mondyal nou an se pou esplike fason nou kolekte, itilize, konsève, pwoteje, distribiye epi pataje enfòmasyon pèsonèl ou yo lè w ap itilize nenpòt nan sèvis nou yo sou entènèt atravè sit entènèt nou an, nan magazen an detay ak atravè aplikasyon mobil nou yo, epi tou pou enfòme w sou chwa ou genyen sou fason nou kolekte epi itilize enfòmasyon w yo.

Lè w itilize sèvis transfè lajan nou yo oswa lòt sèvis finansye yo, tankou pòtfèy nimerik nou an oswa kat prepeye nou an; kontakte nou; jwenn aksè oswa anrejistre yon kont sou sit entènèt nou yo oswa aplikasyon nou yo; oswa antre nan pwogram fidelite nou yo (kolektivman, “Sèvis yo”), Nou kolekte enfòmasyon pèsonèl sou ou epi nou ka itilize yo ansanm ak lòt enfòmasyon nou kolekte oswa pwodui pandan relasyon nou ak ou. Nou kolekte diferan kalite enfòmasyon pèsonèl sou ou, ki ka gen ladan l:

• Enfòmasyon ak idantifyan pèsonèl ou yo: Enfòmasyon pèsonèl debaz tankou non w, enfòmasyon pou kontakte w (pa egzanp, adrès postal ou, adrès imèl ou, nimewo telefòn ou), foto oswa lòt imaj ou (si w chwazi bay li), kote w fèt, dat nesans ou, sèks ou, sitwayènte w, okipasyon w, eta sivil ou, ak nimewo idantifikasyon gouvènman an oswa nasyonal la ansanm ak dokiman ki akonpaye yo;
• Enfòmasyon finansye ak enfòmasyon tranzaksyonèl: Enfòmasyon finansye ak enfòmasyon tranzaksyonèl tankou transfè lajan w yo, pèman w yo, depo w yo ak sous/destinasyon lajan yo pou chak, enfòmasyon sou fason ou itilize Sèvis nou yo, enfòmasyon labank ak kredi, ak enfòmasyon sou konpayi ou travay;
• Enfòmasyon pèsonèl benefisyè a: Non ak enfòmasyon pou kontakte benefisyè yo oswa pou moun ou mande oswa pou resevwa lajan oswa avèk ki moun ou chwazi fè tranzaksyon lè w ap itilize Sèvis yo;
• Enfòmasyon Teknik ou a: Enfòmasyon Teknik, ki gen ladan l òdinatè ou itilize pou w monte sou entènèt, adrès pwotokòl Entènèt (IP) ou a oswa idantifyan piblisitè (ID) aparèy ou a, jeyoolokalizasyon si li aktive, enfòmasyon konsènan aparèy ou a (tankou pwopriyete aparèy, paramèt, aplikasyon estokaj ak enfòmasyon sou itilizasyon,), aplikasyon mobil, navigatè ak lojisyèl ki itilize nan sistèm eksplwatasyon, pwofil rezo sosyal ak enfòmasyon sou rezo, dat ak lè ou te monte sou sitwèb nou yo ak adrès sitwèb ou te konekte ak sitwèb nou an lè w te vizite nou yo. Nou kolekte enfòmasyon pèsonèl nan aktivite anliy ou yo jan li dekri nan seksyon ki gen tit “INTERNET TECHNOLOGIES (TEKNOLOJI ENTÈNÈT).”;
• Enfòmasyon pèsonèl sansib ou yo: Kategori enfòmasyon sansib oswa espesyal, tankou enfòmasyon biyometrik yo itilize pou idantifye w inikman (pa egzanp, anprent dijital oswa rekonesans vizaj) oswa enfòmasyon sou kondanasyon kriminèl. Nou pral sèlman kenbe done sa yo lè nou bezwen yo pou rezon Sèvis nou ba ou yo, kote n ap trete done yo pou yon enterè piblik ki enpòtan, kote nou gen yon obligasyon legal, oswa kote nou gen konsantman w pou fè sa;
• Enfòmasyon w yo ki soti nan sit oswa sèvis twazyèm pati: Si w konekte, mete lyen, oswa konekte sou sit entènèt oswa aplikasyon mobil Western Union lè w sèvi ak yon sèvis twazyèm pati (pa egzanp, Google ak Facebook), ou mande sèvis antite endepandan ki konsène a pou l voye ban nou enfòmasyon tankou non w, adrès imèl ou, foto pwofil ou, ak lòt enfòmasyon jan sèvis sa a kontwole yo oswa jan ou otorize sa atravè paramèt konfidansyalite w yo ak sèvis sa a.

Western Union kolekte enfòmasyon pèsonèl ou yo nan divès fason, tankou:

• Enfòmasyon ou ban nou an pèsòn, sou entènèt oswa atravè aplikasyon mobil nou an, tankou atravè fòmilè tranzaksyon, enskripsyon pou sèvis finansye nou yo oswa pwogram fidelite nou yo, entèraksyon avèk ajan Western Union ak patnè biznis nou yo;
• Enfòmasyon ou ban nou pandan n ap bay sipò kliyan oswa konsiltasyon, tankou lè n ap itilize imèl, lapòs, sant apèl,wobo pou voye mesaj sou entènèt, oswa tchat an dirèk;
• Enfòmasyon lòt moun ka bay sou ou atravè itilizasyon Sèvis nou yo;
• Enfòmasyon nou aprann sou ou atravè itilizasyon Sèvis nou yo;
• Enfòmasyon sou ou ki jwenn atravè mwayen otomatik, tankou pwotokòl kominikasyon, kominikasyon pa imeè, ak cookies oswa TEKNOLOJI ENTÈNÈT menm jan an;
• Enfòmasyon sou ou nou jwenn atravè vandè nou yo, konpayi jesyon risk fwòd, etablisman ki aplike lalwa, sous done komèsyal ak piblik, ak lòt sous done tyès legal nou ka itilize pou ogmante enfòmasyon kliyan nou yo;
• Enfòmasyon sou ou nou jwenn atravè itilizasyon w sou rezo sosyal yo; epi
• Enfòmasyon sou ou nou jwenn atravè enterè w nan piblisite Western Union difize pa Western Union oswa sou li menm sou sit entènèt pa nou oswa sou sit twazyèm pati.

Nou pran angajman nou pou pwoteje enfòmasyon pèsonèl ou yo. Nou itilize dispozisyon pwoteksyon òganizasyonèl, teknik ak adminsitratif ki respekte lalwa ak règleman leta ki aplikab yo pou sekirize enfòmasyon pèsonèl ou yo. Nou fè tout sa nou kapab tou pou limite aksè nan enfòmasyon pèsonèl nou trete yo pou sèlman anplwaye nou yo, ajan nou yo, ak reprezantan nou yo ki gen yon bezwen biznis pou konnen yo. Malgre efò nou yo, twazyèm pati yo ka pran oswa jwenn aksè ilegalman nan enfòmasyon pèsonèl ou yo.

Nou itilize teknoloji entènèt tankou cookies, etikèt, ak baliz entènèt sou sit entènèt nou yo, nan aplikasyon mobil, oswa lè w ale sou yon sit entènèt yon lòt antite. Nou itilize teknoloji sa yo pou plizyè rezon, jan yo idantifye l nan seksyon ki gen tit “FASON WESTERN UNION ITILIZE ENFÒMASYON PÈSÒNÈL LI KOLEKTE YO”.

Pou plis enfòmasyon sou fason nou itilize cookies yo, tanpri klike sou lyen “Enfòmasyon sou Cookies” ki anba paj entènèt Western Union ki aplikab la. Nan kèk rejyon, nou te aplike kapasite pou itilizatè a jere cookies sou sit entènèt nou yo; kote sa disponib, nou pral sèlman li oswa ekri cookies ki baze sou nivo preferans ou.

Nou ka itilize twazyèm pati pou montre w piblisite pèsonalize pandan w ap navige sou Entènèt la. Anjeneral, ou ka chwazi pou w pa resevwa anons pèsonalize nan men anonsè ak rezo piblisitè twazyèm pati konpayi sa yo ki manm Network Advertising Initiative (NAI) oswa ki suiv Prensip Kontwòl Pèsonèl Digital Advertising Alliance (DAA) pou Piblisite Konpòtman sou Entènèt lè w ale sou paj pou w refize patisipe yo sou sitwèb NAI ak DAA yo.

Do Not Track (DNT) (Pa Suiv), se yon paramèt navigasyon ki pa obligatwa ki pèmèt ou eksprime preferans ou konsènan suivi moun k ap fè piblisite yo ak lòt twazyèm pati yo. Nou pa reponn siyal DNT yo, sof si lalwa aplikab la egzije sa.

Nou itilize enfòmasyon pèsonèl nou kolekte yo pou rezon komèsyal ki anapre yo:

• Fè Sèvis yo: Pou w ede nou ba w Sèvis ak sipò kliyan, pou ede w resevwa yon eksperyans pèsonalize, pou ede w fè tranzaksyon ak jwenn aksè ak enfòmasyon kont ou, epi pou asosye enfòmasyon pèsonèl ou lè ou itilize plizyè Sèvis (pa egzanp, lè ou kreye yon pòtfèy nimerik oswa yon kont labank, pou lye ak enfòmasyon pwogram fidelite w la oswa ak nenpòt tranzaksyon ou te fè anvan ou te kreye pòtfèy nimerik ou a oswa kont labank ou a). Si w pa bay enfòmasyon pèsonèl nesesè yo, sa ka afekte kapasite nou pou nou ba w Sèvis nou yo;
• Kominikasyon: Pou kontakte w avèk enfòmasyon ki enpòtan pou Sèvis ou itilize yo oswa pwogram fidelite ou patisipe nan yo, pou reponn kesyon oswa reponn ak lòt demann ou voye bay ekip sèvis kliyantèl nou yo oswa pou fè maketing ak piblisite pou ou selon preferans ou yo;
• Otantifikasyon: Pou rekonèt ou epi pou pèmèt ou rete konekte pandan w ap itilize Sèvis yo san ou pa bezwen antre modpas ou ankò;
• Analiz: Pou fè analiz pou konprann kliyan nou yo, amelyore eksperyans yo;
• Analiz Trafik Wèb: Pou nou gade si ou te rive sou yon sit entènèt Western Union apati yon piblisite sou entènèt, yon patnè, oswa yon afilye; oubyen si w te klike sou yon piblisite oswa yon lyen sou youn nan sit entènèt nou yo;
• Piblisite: Pou bay enfòmasyon presi ki enterese w sou sit entènèt ak aplikasyon Western Union ak sit entènèt ki pa pou Western Union;
• Bay sèvis piblisite ak maketing pou patnè piblisite yo, tankou piblisite sible
• Pou antrene teknoloji entèlijans atifisyèl ki itilize pou sèvis kliyantèl, entegrasyon kliyan ak prevansyon fwòd oswa lòt aktivite ilegal;
• Analiz Òf Espesyal yo: Pou pi byen konprann efikasite kanpay pwomosyèl nou yo epi si ou te aji selon mesaj pwomosyonèl ou yo;
• Prevansyon Fwòd, Krim Finansye (ki gen ladan blanchiman lajan), ak Lòt Aktivite Ilegal: Pou ankouraje sekirite, diminye risk finansye, epi konbat fwòd atravè Sèvis nou yo epi, jan sa nesesè, pou asire efikasite pwosesis konfòmite nou yo ki vize prevansyon aktivite kriminèl sa yo.

Nou ka itilize enfòmasyon pèsonèl ou jan sa esplike yon lòt kote nan Deklarasyon sa a pou chak nan baz legal ki annapre yo:

• Nou itilize enfòmasyon pèsonèl ou yo pou nou ba ou Sèvis nou yo: Sa gen ladan l itilizasyon enfòmasyon pèsonèl ki nesesè pou bay pòtfèy nimerik ak sèvis labank, fè transfè lajan, sèvis finansye, kat prepeye, oswa pwogram fidelite. Nou ka itilize enfòmasyon sa a nan egzekisyon yon kontra avèk ou oswa pou w franchi etap pou antre nan yon kontra pou nenpòt nan Sèvis yo.
• Nou itilize enfòmasyon pèsonèl ou yo pou rezon biznis lejitim, kote rezon biznis lejitim sa yo pa gen plis pwa pase dwa ak libète moun nou trete done yo: Sa gen ladan l itilizasyon enfòmasyon pèsonèl pou analize ak amelyore pwodui nou yo, kote nou ye a, sèvis nou yo, operasyon nou yo, fonksyònman sit sa a ak eksperyans kliyan w, epi pou mezire retou sou envestisman maketing ak satisfaksyon mak la. Sa ka gen ladan tou itilizasyon enfòmasyon w yo pou fè sondaj sou mache a, ansanm ak maketing ak piblisite ki baze sou itilizasyon ou fè de Sèvis nou yo ak enterè w yo. Nou ka itilize enfòmasyon pèsonèl ou yo tou pou bay sèvis kliyantèl epi pou ede pwoteje sekirite ak entegrite teknoloji, sistèm ak sèvis nou yo. Li kapab gen ladan l tou prevansyon fwòd, blanchiman lajan, ak lòt aktivite ilegal, oubyen etablisman oswa defans yon reklamasyon legal.
• Nou itilize enfòmasyon pèsonèl ou yo pou rezon legal ak konfòmite: Sa gen ladan l itilizasyon enfòmasyon pèsonèl ki nesesè pou konfòme nou avèk devwa legal ak regilasyon ki gen rapò ak blanchiman lajan, finansman teworis ak lòt règleman finansye; deteksyon, prevansyon ak pouswit kont fwòd ak vòl; osi byen ke anpeche itilizasyon ilegal oswa entèdi nan Sèvis nou yo oswa lòt aktivite ilegal oswa ki pa kòrèk epi opere yon pwogram konfòmite mondyal pou fè sa. Sa kapab gen ladan l tou etablisman, egzèsis, oswa defans dwa legal ak revandikasyon Western Union ak lòt antite yo. Epi kontwole ak deklare pwoblèm konfòmite. Sa kapab gen ladan l itilzasyon enfòmasyon pèsonèl ou yo pou valide ak otantifye idantite w, ak itilizasyon antite twazyèm pati yo pou ede nou fè sa.
• Nou ka trete enfòmasyon pèsonèl ou yo dapre konsantman ou jan sa dekri nan Deklarasyon sa a: Sa gen ladan l konsantman pou resevwa kominikasyon maketing, pou trete done biyometrik, pou pèmèt pwofil kont labank ou oswa kont pòtfèy nimerik ou vizib pou lòt moun, oswa kote lalwa aplikab la egzije sa. Si nou mande konsantman w, nou pral enfòme w sou rezon ki fè enfòmasyon w yo pral trete a.
• Nou pral enfòme w lè enfòmasyon w egzije pou bay sèvis ou mande yo, oswa ki egzije pa lalwa. Nan kèk ka, tankou lè n ap fè transfè lajan ak sèvis bankè oswa kont pòtfèy nimerik, nou ka pa kapab ba ou Sèvis nou yo sof si ou bay kèk enfòmasyon pèsonèl.

Selon preferans ou yo, nou pral avize w de òf, pwomosyon, ak dènye nouvèl konsènan pwodui ak sèvis nou yo oswa lòt pwodui ak sèvis ki ka entèrese w. Sa yo kapab gen ladan yo òf pa imèl, telefòn, kourye postal, SMS, rezo sosyal oswa lòt kominikasyon oswa chèn nimerik.

Ou kapab chwazi resevwa kominikasyon sou piblisite nenpòt lè. Si w pa vle resevwa kominikasyon maketing dirèk nan men nou ankò, ou ka chwazi pou ou pa resevwa yo lè w suiv enstriksyon ki nan kominikasyon elektwonik ki enpòtan an, lè w ajiste paramèt ou yo nan kont labank dijital ou oswa nan kont pòtfèy elektwonik ou oswa nan aplikasyon an, oswa lè w kontakte nou jan sa dekri nan seksyon “KONTAKTE NOU” an.

Tanpri sonje si w chwazi pou ou pa resevwa kominikasyon ki gen rapò ak maketing nan men nou, nou ka toujou voye ba ou kominikasyon enpòtan ki gen rapò ak sèvis, administrasyon oswa tranzaksyon.

Nou pa dirije Sèvis oswa pwodui nou yo pou timoun ki poko gen 18 an. Nou pa deside kolekte enfòmasyon sou sit entènèt nou an oswa aplikasyon mobil nou yo nan men moun ki poko gen 18 an.

Sit entènèt nou yo ka gen lyen ki mennen nan oswa ki soti nan sit entènèt twazyèm pati yo. Nou pa te revize, nou pa kontwole, epi nou pa responsab pou kontni oswa pratik konfidansyalite sit entènèt ki gen lyen ki mennen nan oswa ki soti nan sit entènèt nou yo itilize. Nou pa pran responsablite pou okenn nan sit sa yo, kontni yo, oswa règleman sou enfòmasyon prive yo. Nou pa andose sit entènèt twazyèm pati yo oswa nou pa bay okenn garanti sou okenn enfòmasyon, lojisyèl, oswa lòt pwodui oswa materyèl ou ka jwenn la, oswa nenpòt rezilta ou ka jwenn lè w sèvi ak yo.

Pou nenpòt nan rezon ki mansyone nan Deklarasyon sa a, nou ka pataje enfòmasyon pèsonèl ki aplikab yo, tankou, men pa limite a, non w, enfòmasyon kontak ou, nimewo idantifikasyon nasyonal ou ak/oswa dokiman ki gen rapò, nimewo idantifikasyon kliyan, adrès ou, detay ak modèl tranzaksyon yo, ak enfòmasyon sou kont labank ou bay kalite òganizasyon oswa pati sa yo:

• Gwoup antrepriz ak afilye Western Union yo, ki enkli sa yo ki mansyone nan seksyon ki genyen tit “ANTITE LEGAL WESTERN UNION YO”;
• Ajan nou yo oswa patnè biznis nou yo ki fasilite transfè lajan an oswa tranzaksyon pèman an oswa lòt Sèvis presi ou te mande a;
• Founisè sèvis, founisè ki fè trètman pèman, patnè bankè ak founisè ki fè trètman enfòmasyon nou te fè kontra pou fè biznis avèk pou bay sèvis kliyantèl;
• Founisè sèvis yo, dapre konsantman ou kote sa aplikab, tankou sa yo ki bay sèvis maketing, sèvis piblisite, sèvis fè makèt ki gen rapò ak pwogram fidelite nou yo, ak sèvis satisfaksyon kliyan ak rechèch sou mache pou nou. Pataj sa a ka gen ladan l pataje ak twazyèm pati (tankou konpayi rezo sosyal) pou fasilite piblisite ki pi enpòtan ak sible;
• Founisè sèvis, founisè ki fè trètman pèman ki fè kontra avèk nou pou ede nou valide presizyon enfòmasyon ou te resevwa yo, epi pou konfime idantite w epi pou jere risk ki gen rapò ak sekirite, fwòd ak idantite.
• Twazyèm pati ke ou te otorize pou aksede ak kont ou an ak/oswa enfòmasyon sou kont ou an pou fè Sèvis pou ou, tankou enfòmasyon kont founisè sèvis ak lansman pèman founisè sèvis yo.

Si w se yon kliyan yon Sèvis ki pèmèt yon pwofil piblik, ou ka chwazi pou fè pwofil ou vizib piblikman. Sa ka gen ladan l pataj kèk detay pèsonèl tankou non w, foto w, lajan ki disponib nan kont ou a, ak lefètke ou se yon kliyan. Epitou, si ou se yon kliyan kont labank oswa bou elektwonik, lòt kliyan kont labank oswa pòtfèyelektwonik yo ka kapab tou chèche w ak nimewo telefòn ou epi itilize yon kòd QR ou ka bay yo pou fè tranzaksyon avè w. Nou ka transmèt enfòmasyon pèsonèl ou yo an koneksyon avèk yon vant oswa transfè tout oswa yon pati nan biznis nou an. Nou ka dpataje enfòmasyon pèsonèl ou yo tou atravè lemonn, jan lalwa ak règleman ki aplikab yo egzije oswa pèmèt, bay otorite regilasyon ak finansye, ajans rapò kredi, kò ki aplike lalwa, tribinal, gouvènman oswa ajans gouvènman pou satisfè obligasyon konfòmite ak legal oswa pou revandike oswa defann dwa ak enterè Western Union oswa lòt moun.

Nou transfere enfòmasyon pèsonèl ou bay pati ki nan peyi andeyò peyi kote nou te kolekte yo a, tankou Etazini, men se pa li sèlman, jan lalwa ki aplikab, otorite regilasyon yo, lapolis ak ajans gouvènman yo pèmèt oswa egzije sa. Anplis de sa, lè ou voye oswa resevwa lajan nan yon lòt peyi oswa soti nan yon lòt peyi, nou pral oblije pataje kèk nan enfòmasyon pèsonèl ou yo ak peyi sa a jan lalwa egzije oswa pèmèt. Nou transfere kèk enfòmasyon pèsonèl sou ou nan sant done nou yo ki sitiye Ozetazini oswa nan yon rejyon jan lalwa lokal la egzije sa epi nou trete yo pou nou satisfè obligasyon legal ak konfòmite nou yo ki aplike nan Sèvis nou yo. Lè w sèvi ak Sèvis yo, ou rekonèt transfè enfòmasyon sa yo ka rive deyò peyi rezidans ou.

Enfòmasyon pèsonèl ki transfere andeyò EEA a, Wayòm Ini (UK) an, ak Laswis lan nan peyi Komisyon Ewopeyen an oswa Biwo Komisyonè Enfòmasyon Wayòm Ini a (ICO) pa jwenn ki bay pwoteksyon apwopriye pral pwoteje ak Règleman Kontra Regilye ki apwopriye oubyen lòt mwaye Inyon Ewopeyen an oubyen Wayòm Ini a apwouve, jan lalwa egzije sa.

Enfòmasyon pèsonèl ou yo pral konsève selon peryòd reglemantè ki genyen nan règleman ki aplikab ak tranzaksyon finansyè ki gen la dan sa ki gen rapò ak lit kont blanchisman lajan, lit kont finansman teworis ak lòt lwa ki aplikab ak nou yo. Oswa nou pral konsève enfòmasyon ou yo si sa nesesè pou rezon presi li te kolekte a, oswa pou rezoud tout kesyon ou kapab genyen. Nou respekte prensip minimizasyon done yo epi nou fè efò pou nou kenbe enfòmasyon yo pa plis pase sa nesesè pou rezon ki te fè nou jwenn yo a.

Gen lòt dwa ki ka disponib tou nan divès jiridiksyon anba lalwa lokal yo. Yo pral aksesib atravè mwayen nou bay pi wo yo.

Si w gen yon kesyon oswa yon plent konsènan fason nou jere enfòmasyon pèsonèl ou yo, n ap mande w pou ekri kesyon w lan. Nou pral envestige sou kesyon w lan epi anjeneral nou reponn pa ekri nan delè ki pa depase 30 jou apre nou te resevwa l. Ou kapab kontakte nou tou, tankou Ofisye Pwoteksyon Enfòmasyon nou an nanwuprivacy@westernunion.com.

Pou kontakte nou atravè yon nimewo telefòn gratis oswa lokal, tanpri klike sou lyen “Kontakte nou” ki nan pye paj wèb Western Union ki aplikab la pou jwenn enfòmasyon kontak presi pou rejyon w lan.

Nou ka modifye Deklarasyon sou Konfidansyalite Mondyal sa a detanzantan, epi nou pral pibliye deklarasyon sou konfidansyalite ki ajou yo sou sit entènèt sa a lè modifikasyon fèt. Nou ankouraje w pou w revize Deklarasyon sou Konfidansyalite Mondyal sa a lè w vizite pou w jwenn deklarasyon ki pi ajou a.

Pou konsomatè nan Etazini, enkli sila yo ki nan Kalifòni, Nevada, Dakota Dinò, Tegzas, ak Vèmon tanpri suiv lyen sa a pou Avi sou Konfidansyalite Western Union nan.

Pou rezidan Kalifoni yo, tanpri gade Enfòmasyon ki ajoute nan Deklarasyon sou Konfidansyalite sa a pou Rezidan Kalifoni.

Pwogram Rekonpans Western Union® (“Rekonpans”), pwogram fidelite nou an, se youn nan fason Western Union fè efò pou rekonpanse epi remèsye kliyan fidèl yo paske yo te vin kliyan nou yo epi yo te itilize sèvis Western Union yo. Manm Rekonpans yo chwazi enskri lè yo enskri pou Rekonpans nan magazen patisipan yo, sou entènèt oswa atravè aplikasyon Western Union an, epi yo kapab touche epi akimile pwen Rekonpans ak chak transfè lajan ki fèt ke yo ka itilize pou frè transfè rabè sou transfè lajan. ‌Si ou ta renmen vin yon manm Western Union Rewards, tanpri gade ‌Tèm ak Kondisyon Pwogram Western Union Rewards‌‌ pou plis enfòmasyon epi/oswa klike la a pou enskri‌.

Western Union kolekte epi itilize kategori enfòmasyon pèsonèl ki dekri nan seksyon “ENFÒMASYON PÈSÒNÈL WESTERN UNION KOLEKTE,” “FASON WESTERN UNION KOLEKTE ENFÒMASYON PÈSÒNÈL,” ak “KIJAN WESTERN UNION ITILIZE ENFÒMASYON PÈSÒNÈL LI KOLEKTE A” nan dokiman nou yo. Deklarasyon sou Konfidansyalite Mondyal, ki gen ladan enfòmasyon ou ban nou volontèman (tankou non w ak imèl ou), enfòmasyon nou kolekte otomatikman, ak enfòmasyon ki soti nan lòt sous pou opere pwogram fidelite Rewards la, tankou pou ba w pwomosyon, kontni, ak òf espesyal ansanm ak lòt itilizasyon ki dekri nan Deklarasyon sou Konfidansyalite Mondyal la. Nou travay avèk founisè sèvis ak patnè biznis pou ofri avantaj pou pwogram fidelite Rewards nou an. Patnè sa yo ka tonbe nan kategori sa yo: patnè vandè, ajan Western Union, filiyal ak afilye, ak/oswa founisè sèvis ak patnè biznis. Ou ka aprann plis bagay sou patnè biznis nou pataje enfòmasyon w yo avèk yo lè w al gade seksyon “AK KI MOUN WESTERN UNION PATAJE ENFÒMASYON PÈSÒNÈL OU YO” nan Deklarasyon sou Konfidansyalite Mondyal la.

Baze sou estimasyon rezonab ak bon lafwa nou an, nou resevwa valè nan Pwogram Rekonpans Western Union® nan, nan ogmantasyon fidelite ak patronaj kliyan, byenke nenpòt valè ap varye selon manm Rekonpans yo selon kantite transfè lajan ki fèt, ki òf ak rabè yon manm pwofite, ak lòt faktè.

Western Union pa bay okenn valè monetè pou enfòmasyon nou kolekte atravè pwogram fidelite Rewards la lè n ap voye kominikasyon pa imèl. Ou ka chwazi pou ou pa resevwa imèl pwomosyonèl nenpòt kilè lè w ajiste paramèt kont Western Union w sou entènèt, oubyen lè w klike sou lyen “dezabòne” ki gen ladan l nan nenpòt imèl pwomosyonèl nou voye ba ou, men w ap toujou resevwa mesaj sèvis ki gen rapò ak kont Rekonpans ou an. Patisipasyon nan pwogram Rekonpans yo se volontè, epi ou ka retire kò w nan pwogram fidelite Rekonpans lan lè w vizite seksyon kont lan oswa paramèt yo nan aplikasyon Western Union nan oswa nan pwofil sou entènèt ou a, lè w mande pou yo efase enfòmasyon w yo lè w ranpli fòmilè sa a, oswa lè w kontakte Sèvis Kliyantèl Western Union nan. Tanpri sonje lè ou retire kòb ou nan Rekonpans yo, ou pa pral gen aksè ak kont Rekonpans ou a ankò, men ou ka kontinye itilize platfòm dijital ak komèsyal Western Union yo. Tout pwen ak rekonpans ou te touche jiska moman retrè a p ap disponib ankò. Jan nou te di deja, pou nou ka kominike avèk ou epi ba ou sèvis atravè pwogram fidelite Rewards la, nou bezwen itilize enfòmasyon pèsonèl ou yo. Se poutèt sa, si ou chwazi efase enfòmasyon pèsonèl ou nan pwogram fidelite Rewards la, oubyen si ou chwazi fè yon demann pou siprime enfòmasyon an jeneral, nou p ap ka ba ou sèvis ak avantaj ankò atravè pwogram fidelite Rewards sa a.

Si yon manm pwogram Rekonpans lan chwazi pou l pa pataje enfòmasyon pèsonèl li, manm pwogram Rekonpans lan pa pral pèdi okenn avantaj pou itilizasyon pwen rekonpans li yo toutotan li rete manm nan pwogram Rekonpans lan. Si w chwazi pou yo pa pataje enfòmasyon pèsonèl ou, ou ka resevwa mwens òf ak sèvis pèsonalize, tankou nenpòt òf nan men patnè twazyèm pati k ap patisipe nan pwogram Rekonpans lan.

Si w se yon rezidan Kalifòni oswa Kolorado epi ou te chwazi pou nou pa “pataje” enfòmasyon pèsonèl ou anvan ou te rantre nan Rewards, ou pral bezwen chwazi pou sa ankò yon fwa ou vin manm, si ou pa vle Western Union “pataje” enfòmasyon pèsonèl. Pou w fè sa a, klike la a oswa kontakte Sèvis Kliyantèl Western Union.

Pou kliyan ki Brezil yo, tanpri gade Enfòmasyon Ajoute pou Rezidan Brezilyen an nan Deklarasyon sou Konfidansyalite Mondyal sa a.

Pou konsomatè ki abite nan Japon, malgre nenpòt lòt dispozisyon ki genyen nan Deklarasyon sou Konfidansyalite Mondyal sa a, nou pral trete Nimewo Idantifikasyon Pèsonèl Japonè ou a (“My Number”) (“Nimewo mwen”) ak dokiman sipò li yo an konfòmite avèk nenpòt lwa ak règleman ki aplikab jan sa dekri nan seksyon sa a.

Nou kolekte Nimewo My Number (Nimewo Mwen) ou a ak dokiman sipò nou bay yo sèlman pou nou ka konfime My Number (Nimewo Mwen) ou a jan Lalwawa sou Soumisyon Deklarasyon Transfè Labank Aletranje egzije a epi nan konfòmite avèk Lalwa sou Voye Deklarasyon Transfè Labank Aletranje pou Objektif Garanti Bon Taksasyon Domestik nan Japon an (Lalwa No 110 nan 1997, jan yo te modifye li a).

Pou w jwenn yon lis antite legal lokal Wester Union yo, tanpri gade la a: “ANTITE LEGAL WESTERN UNION. “